ஒத்திகையில் ஈடுபட்டிருந்த பாகிஸ்தானின் F-16 ரக போர் விமானம் கீழே விழுந்து நொறுங்கியது..!!

பாகிஸ்தானின் தேசிய தினத்திற்காக ஒத்திகையில் ஈடுபட்டிருந்த அந்நாட்டு விமானப்படைக்கு சொந்தமான F-16 ரக போர் விமானம் கீழே விழுந்து நொறுங்கிய சம்பவம் அதிர்ச்சியை ஏற்படுத்தியுள்ளது.

எதிர்வரும் மார்ச் மாதம் 23 ஆம் திகதி பாகிஸ்தானின் தேசிய தினம் சிறப்பாக கொண்டாடப்படவுள்ள நிலையில் அதற்கான ஒத்திகையில் பாகிஸ்தான் விமானப்படைக்கு சொந்தமான விமானங்கள் ஈடுபடுத்தப்பட்டுள்ளன. பாகிஸ்தானின் தலைநகரான இஸ்லாமாபாத்தின் ஷாகர்பரியன் பகுதியில் இன்று காலை ஒத்திகையில் ஈடுபட்ட பாகிஸ்தான் விமானப்படையின் F-16 ரக போர் விமானம் ஒன்று திடீரென தரையில் வேகமாக வந்து மோதியதில் அந்த விமானம் தீப்பிடித்து எரிந்து கருகியது. இதனால் அதிர்ச்சியடைந்த விமானப்படை வீரர்கள் சம்பவ இடத்திற்கு விரைந்து சென்றனர். இந்த விபத்தில் பாகிஸ்தான் விங் கமாண்டர் நவுமன் அக்ரம் உயிரிழந்ததாக தெரியவந்துள்ளது.

#video
Yep it is now official
An #Pakistani #F16 Of #PAF crashed in #Islamabad

The pilot has been identified as Wing Commander Noman Akram,

He was the winner of PAF's Sher Afghan (Best Marksman) trophy in 2019.#G6#Pakistan https://t.co/0CHoj36hZm pic.twitter.com/w6oHfjEYql

— SPADEX (@Amansin40578878) March 11, 2020

The F16 aircraft, which was the victim of the crash, was also part of the rehearsal of the March 23 parade and wing commander Noman Akram has been killed in the crash, a statement issued by the Pakistan Air Force spokesman said.? pic.twitter.com/wUWDcb6O1c

— Zane ???????????? (@anayatu53754982) March 11, 2020

மீட்புப் பணிகளுக்காகஇராணுவத்தினர் மற்றும் காவல்துறையினர், தீயனைப்பு படையினர் விரைந்துள்ளனர்.

பாகிஸ்தான் தேசிய தினம் கொண்டாடப்படவுள்ள நிலையில் F-16 போர் விமானம் விபத்தில் சிக்கி, விமானியும் உயிரிழந்த சம்பவம் அந்நாட்டினரை அதிர்ச்சிக்கு உள்ளாக்கியுள்ளது. கடந்த 2019 ஆம் ஆண்டு பிப்ரவரி மாதத்தில் இந்தியாவுக்கும், பாகிஸ்தானுக்கு இடையில் பதற்றமான சூழல் நிலவிய போது F-16 ரக போர் விமானம் ஒன்று இந்திய விமானப்படையினரால் சுட்டு வீழ்த்தப்பட்டது குறிப்பிடத்தக்கது.