பாகிஸ்தான் பிரதமர் இம்ரான் கானை சந்திக்கவுள்ள சீன ஜனாதிபதி…!!!!
சீனா ஜனாதிபதி ஷி ஜின்பிங் எதிர்வரும் 11 ஆம் திகதி இந்தியாவிற்கு விஜயம் செய்யவுள்ளார். அங்கு வந்தவுடன் முதலில் இந்திய பிரதமர் நரேந்திர மோடிவுடன் மாமல்லபுரத்துக்கு வருகை தரவுள்ளனர்.
அங்கு இந்தியா மற்றும் பாகிஸ்தான் ஆகிய இரு நாடுகளின் உறவு தொடர்பாக விவாதிக்கப்பட உள்ளது. குறிப்பாக இரு நாடுகளுக்கு இடையிலான லடாக் எல்லைப் பிரச்னை உள்ளிட்டவை ஆலோசிக்கப்படவுள்ளதாக தெரிவிக்கப்படுகிறது.
இந்த நிலையில் சீன ஜனாதிபதி ஷி ஜின்பிங் தனது இந்திய வருகைக்கு முன்பாக பாகிஸ்தான் பிரதமர் இம்ரான் கானை சந்திக்கவுள்ளதாக தகவல்கள் வெளியாகியுள்ளன. சீன ஜனாதிபதியின் இந்திய விஜயத்திற்கு முன்பு பாகிஸ்தான் பிரதமராக பதவியேற்ற பின்னர் இம்ரான் கான் சீனா 3 ஆவது முறையாக செல்லவுள்ளார்.
பாகிஸ்தான் பிரதமர் இம்ரான் கான் எதிர்வரும் 08 ஆம் திகதி சீனா செல்கிறார். அங்கு அந்நாட்டு ஜனாதிபதி ஷி ஜின்பிங் உடன் பேச்சுவார்த்தை நடத்தவுள்ளார். மேலும் அப்போது இரு நாடுகளுக்கு இடையிலான வர்த்தகம் போன்ற விவகாரங்கள் தொடர்பாக கலந்துரையாடவுள்ளார்.