காதலிக்காக படம் தயாரித்து மெய் சிலிர்க்கவைத்த காதலன்!
காதலியிடம் தனது காதலைச் சொல்வதற்காக ஆறு மாதங்கள் உழைத்து அனிமேஷன் படம் ஒன்றை உருவாக்கி மெய்சிலிர்க்க வைத்துள்ளார் காதலன்.
லீ லொக்லர் என்பவர், தனது நீண்ட கால நண்பி சுதுதியிடம் தனது காதலை வெளிப்படுத்த எண்ணினார்.
இதனால், அவர் தனது நண்பிக்கு மிகவும் பிடித்த Sleeping Beauty என்னும் திரைப்படத்தின் காட்சியை, அனிமேஷன் படமாகத் தயாரித்து, அதில் நாயகனாகத் தன்னையும் நாயகியாக காதலியையும் வடிவமைத்தார்.
இந்நிலையில், தனது காதலி உட்பட உறவினர்கள், நண்பர்கள் அனைவரையும் அழைத்து, குறித்த அனிமேஷன் படத்தை திரையரங்கு ஒன்றில் வெளியிட்டார்.
படம் திரையில் ஓடிக்கொண்டிருந்தபோது, அதில் வரும் காதல் காட்சியைப் போல, தனது நண்பியிடம் காதலை வெளிப்படுத்தியுள்ளார் லீ.
இதையடுத்து, ஆச்சரியம் கூடிய வெட்கத்துடன் சுதுதியும் லீயின் காதலை ஏற்றுக்கொண்டார்.
இந்நிலையில், அந்தக் காதல் வீடியோக் காட்சி தற்போது சமூக வலைதளங்களில் வைரலாகி வருகிறது.