ஐசிசி டெஸ்ட் சம்பியன்ஷிப் தொடரில் மூன்றாவது இடத்திற்கு முன்னேறிய நியூசிலாந்து அணி..!!

நியூசிலாந்து மற்றும் இந்தியா அணிகளுக்கு இடையில் நடைபெற்ற இரண்டு டெஸ்ட் போட்டியிலும் நியூசிலாந்து அணி வெற்றி பெற்றுள்ளது. வெற்றி பெற்றதன் ஊடாக ஐசிசி டெஸ்ட் சம்பியன்ஷிப் தொடரில் மூன்றாவது இடத்திற்கு நியூசிலாந்து அணி முன்னேறியுள்ளது. 180 புள்ளிகளைப் பெற்றதன் காரணமாக நியூசிலாந்து அணி இவ்வாறு மூன்றாவது இடத்திற்கு முன்னேறியுள்ளது.

மொத்தமாக 296 புள்ளிகளைப் பெற்றுக்கொண்ட அவுஸ்திரேலிய அணி இரண்டாவது இடத்தில் உள்ளதோடு, மொத்தமாக 360 புள்ளிகளுடன் இந்திய அணி தொடர்ந்து முதலாவது இடத்தை தக்கவைத்துக் கொண்டுள்ளது. இந்திய அணி இதுவரையில் தான் பங்குபற்றிய ஐசிசி சம்பியன்ஷிப் தொடரின் 9 போட்டிகளில் 2 போட்டிகளில் மாத்திரமே தோல்வியடைந்துள்ளது. அதே நேரத்தில், மொத்தமாக 60 புள்ளிகளைப் பெற்றுள்ள இலங்கை அணி மேற்படி புள்ளிப்பட்டியலில் 6ஆவது இடத்தில் உள்ளமை குறிப்பிடத்தக்கது.