இந்திய அணியை மண்ணைக் கவ்வ வைத்து தொடர்ந்தும் ஐந்தாவது தடவையாக T20 உலகக் கிண்ணத்தை கைப்பற்றிய அவுஸ்திரேலிய மகளிர் அணி..!
இந்தியா மற்றும் அவுஸ்திரேலிய ஆகிய இரு மகளிர் அணிகளுக்கு இடையிலான மகளிர் டி20 உலகக்கோப்பை இறுதிப் போட்டி நடைபெற்றது.
மகளிர் டி20 உலகக்கோப்பை இறுதிப் போட்டியில் 85 ஓட்டங்களினால் இந்தியாவை வீழ்த்தி அவுஸ்திரேலிய மகளிர் அணி கிண்ணத்தை கைப்பற்றியுள்ளது.இந்த போட்டியில் நாணய சுழற்சியில் வெற்றி பெற்று முதலில் துடுப்பெடுத்தாடிய அவுஸ்திரேலிய மகளிர் அணி 20 ஓவர்கள் நிறைவில் 4 விக்கெட்டுக்களை இழந்து 184 ஓட்டங்களை பெற்றது. அவுஸ்திரேலிய அணி சார்பாக மூனி 78 ஓட்டங்களையும் ஹீலி 75 ஓட்டங்களையும் பெற்றுக்கொடுத்தனர்.
இந்த நிலையில் பதிலுக்கு துடுப்பெடுத்தாடிய இந்திய மகளிர் அணி 19.1 ஓவர்கள் நிறைவில் சகல விக்கெட்டுக்களையும் இழந்து 99 ஓட்டங்களை மட்டுமே பெற்றுக்கொண்டது. இந்திய அணி சார்பாக தீப்தி சர்மா 33 ஓட்டங்களை பெற்றுக்கொடுத்தார். பந்து வீச்சில் ஸ்குட் 4 விக்கெட்டுக்களையும் ஜெனசீன் 3 விக்கெட்டுக்களையும் கைப்பற்றியமை குறிப்பிடத்தக்கது.
