ஸ்காட்லாந்து கிரிக்கெட் வீரர் மஜித் ஹக்-குக்கு கொரோனா வைரஸ் தொற்று..!!
ஸ்காட்லாந்து கிரிக்கெட் வீரர் மஜித் ஹக்-குக்கு கொரோனா வைரஸ் தொற்று ஏற்பட்டுள்ளது. பல கிரிக்கெட் வீரர்கள் ஏற்கனவே தங்களை தனிமைப்படுத்திக் கொண்டு இருக்கும் நிலையில் முதல் வீரராக மஜித் பாதிக்கப்பட்டுள்ளார்.
கடந்த 2006 ஆம் ஆண்டு தொடக்கம் 2015 ஆம் ஆண்டு வரை 37 வயதுடைய ஸ்காட்லாந்து கிரிக்கெட் வீரர் மஜித் ஹக் ஸ்காட்லாந்து தேசிய கிரிக்கெட் அணியில் விளையாடியுள்ளார். இவர் சுழற் பந்துவீச்சாளர் ஆவார். இவர் கொரோனா வைரஸ் பரிசோதனை நடத்திய போது அவருக்கு பாதிப்பு இருப்பது உறுதி செய்யப்பட்டுள்ளது. கிளாஸ்கோ பகுதியில் இருக்கும், ராயல் அலெக்சாண்ட்ரா மருத்துவமனையில் அவர் சிகிச்சை பெற்றார்.
மஜித் ஹக்-குக்கு கொரோனா பாதிப்பு இருந்தாலும் அவர் விரைவில் வீடு திரும்பவுள்ளதாக கூறினார். மருத்துவமனை ஊழியர்கள் தன்னை சிறப்பாக கவனித்துக் கொண்டதாகவும், தனக்கு ஆதரவாக இருந்த அனைவருக்கும் டுவிட்டரில் நன்றியையும் தெரிவித்துக் கொண்டுள்ளார். அதற்கு இடையில் கிரிக்கெட் வீரர் ஒருவருக்கு கொரோனா பாதிப்பு ஏற்பட்டுள்ளது கிரிக்கெட் உலகில் அதிர்ச்சியை ஏற்படுத்தி உள்ளது.
Looking forward to potentially getting back home today after testing positive with Coronavirus. Staff at the RAH in Paisley have been good to me & thank you to everyone who has sent me messages of support. Insha Allah the Panther will be back to full health soon. #covid19UK pic.twitter.com/19QfWjzaOq
— Majid Haq (@MajidHaq) March 20, 2020
