ஆப்கானிஸ்தான் கிரிக்கெட் அணியின் நட்சத்திர இளம் பந்து வீச்சாளரான முஜீப் உர் ரஹ்மானிற்கு திருமண ஏற்பாடு…!!!!

ஆப்கானிஸ்தான் கிரிக்கெட் அணியின் நட்சத்திர இளம் பந்துவீச்சாளரான முஜீப் உர் ரஹ்மானிற்கு திருமண ஏற்பாடுகள் தீவிரமாக இடம்பெற்று வருவதாக தெரிவிக்கப்படுகின்றது.

19 வயதுடையோருக்கான கிரிக்கெட் போட்டியில் வங்கதேசம் அணிக்கு எதிராக விளையாடிய போது வெறும் 19 ரன்கள் மட்டுமே கொடுத்து, ஆப்கானிஸ்தான் அணியை சேர்ந்த முஜீப் உர் ரஹ்மான் 7 விக்கெட்டுகளை வீழ்த்தி சாதனை படைத்துள்ளார்.

இதன் மூலம் பிரபலம் அடைந்த அவர் 2017 ஆம் ஆண்டு தன்னுடைய 16 வயதில் ஆப்கானிஸ்தான் அணியில் அறிமுகமானார். புதிய பந்தில் சிறப்பாக பந்து வீசும் திறன் கொண்ட சுழற்பந்து வீச்சாளர் முஜீப், உலகம் எங்கும் உள்ள நட்சத்திர மட்டையாளர்களுக்கு பெரும் சவாலாக இருந்து வருகிறார்.

முஜீப் தற்போது வரை தன்னுடைய நாட்டிற்காக 37 ஒருநாள் போட்டிகள் ஒரு டெஸ்ட் தொடர் மற்றும் 13 டி20 தொடர்களில் விளையாடியுள்ளார். மேலும் இந்த நிலையில் பத்திரிகையாளர் எம். இப்ராஹிம் மொமண்ட் தன்னுடைய ட்விட்டர் பக்கத்தில், இளம் வீரர் முஜீப் உர் ரஹ்மான், திங்கள்கிழமை நிச்சயதார்த்தம் செய்து கொண்டதாக பதிவிட்டுள்ளார்.

மேலும் அவருடைய புதிய வாழ்க்கைக்கு வாழ்த்தும் தெரிவித்துள்ளார்.