இந்திய அணியை கடுமையாக தாக்கிப் பேசிய பாகிஸ்தான் கிரிக்கெட் வாரிய தலைவர் எஹ்மான் மானி…!!!
கடந்த 2009 ஆம் ஆண்டு நடந்த தீவிரவாத தாக்குதலுக்கு பின்னர் பாகிஸ்தானுக்கு சென்ற இலங்கை அணி டெஸ்ட் தொடரில் பங்கேற்றுள்ளது. இந்த போட்டியில் பாகிஸ்தான் 1-0 என்ற கணக்கில் வென்ற நிலையில், அதிகளவான அணிகள் பாகிஸ்தான் செல்லும் என எதிர்பார்க்கப்பட்டது. மேலும் இந்த நிலையில் வங்கதேச அணி பாதுகாப்பை காரணம் காட்டி நிராகரித்து விட்டதால், இந்தியாவை கடுமையாக தாக்கி பாகிஸ்தான் கிரிக்கெட் வாரிய தலைவர் எஹ்மான் மானி பேசியுள்ளார்.
மேலும் அவர் தெரிவிக்கையில், எந்த அணி பாகிஸ்தான் பாதுகாப்பு இல்லை என்று கூறுகிறதோ அந்த அணி அதனை நிரூபிக்க வேண்டும். இலங்கை தொடருக்கு பின்னர் எந்தவொரு நாடும் பாதுகாப்பு ஏற்பாட்டை பற்றி கவலைப்பட முடியாது, மீடியாக்களும், ரசிகர்களும் உலகளவில் பாகிஸ்தானை நேர்மறையாக காட்ட முக்கிய பங்காற்றினர். பாகிஸ்தானை விட இந்தியாவில் தான் பாதுகாப்பு அச்சுறுத்தல் மிகமிக அதிகம் என தெரிவித்துள்ளார்.
