இன்ஸ்டாகிராமில் ஏற்பட்ட அதிரடி மாற்றம்…!!
உலகளாவிய ரீதியில் பிரபல்யம் அடைந்து வரும் சமூக வலைத்தளங்களில் ஒன்றாக இன்ஸ்டாகிராம் விளங்குகின்றது. இது அனைத்து வகையான புகைப்படங்கள் மற்றும் சிறிய அளவிலான வீடியோக்கள் ஆகியவற்றினை பகிர்ந்து மகிழும் தளமாக இன்ஸ்டாகிராம் விளங்குகின்றது.
பேஸ்புக் நிறுவனத்தினால் நிர்வகிக்கப்பட்டு வரும் இந்த சேவையில் தற்போது அதிரடி மாற்றங்கள் கொண்டு வரப்பட்டுள்ளது.
இந்த இன்ஸ்டாகிராமில் இனி வரும் காலங்களில் அழகுசாதனப் பொருட்கள் தொடர்பான போஸ்ட்கள் மற்றும் டயட் தொடர்பான போஸ்ட்கள் என்பவற்றினை பதிவேற்றம் செய்ய முடியாது. அவ்வாறு மீறி பதிவேற்றம் செய்யப்பட்டால் அப் பதிவுகள் உடனடியாக நீக்கப்படும்.
இன்ஸ்டாகிராமில் சாதகமானதும், பாதகமானதுமான பதிவுகள் தொடர்ந்தும் பதிவேற்றம் செய்யப்பட்டு வந்துள்ளன. குறிப்பாக 18 வயதிற்கு கீழானவர்களுக்கு பாதகத்தை ஏற்படுத்தக்கூடிய பதிவுகள் அதிகம் இடம்பெற்று வந்துள்ளது.
அழகுசாதன பொருட்கள் மற்றும் உடல் குறைப்பு தொடர்பான பதிவுகள் 18 வயதிற்கு கீழானவர்களையும் குறி வைத்து விளம்பரப்படுத்தப்பட்டு வந்துள்ளது. அதை தொடர்ந்தே இந்த அதிரடி மாற்றம் எடுக்கப்பட்டுள்ளது.