வர வர உடல் எடை அதிகரித்துக் கொண்டே இருக்கிறதா.!? சாப்பாட்டை கட்டுப் படுத்தினாலும் உடல் எடை குறையவில்லையா.!? 10 கிலோ வரை எடை குறைக்கலாம்..இத ட்ரை பண்ணுங்க..!!

நம்மில் பலர் உணவுக் கட்டுப்பாட்டை விரும்புவதில்லை அதிலும் சிலர் உடற்பயிற்சி செய்வதை அறவே விரும்புவதில்லை. எனவே இந்தப் பகுதியில் உடற்பயிற்சி பற்றியோ உணவுக் கட்டுப்பாடு என்னும் டயட் பற்றியோ பேசப்போவதில்லை. இது நம் தினசரி பழக்கத்தை மாற்றியமைப்பதைப் பற்றியது, ஏனென்றால் இந்த முறைமைக்கு நீங்கள் பழக்கப்பட்டுவிட்டால், நிறைய விஷயங்கள் உங்களுக்க் கிடைக்கும் என்பதை மறந்துவிடாதீர்கள். அந்த முறைகள் என்னவென்று பார்க்கலாம் வாங்க.

இனிப்பைக் குறைத்துக்கொள்ளுங்கள்.சர்க்கரை உங்கள் மோசமான எதிரி என்பதை நான் வருத்தத்துடன் கூறுகின்றேன். தோழமைகளே நிங்கள் உண்மையில் தொப்பையைக் குறைக்க விரும்பினால் முதலில் நீங்கள் உணவில் சேர்த்துக்கொள்ளும் சீனியின் அளவைக் குறைத்துக் கொள்ளுங்கள்.

இது கடினமானதுதான் ஆனால் சர்க்கரை உங்கள் தொப்பையைச் சுற்றி கொழுப்பை அதிகமாக சேர்ப்பதில் முக்கிய பங்கு வகிக்கின்றது என்பதை நினைவிற்கொள்ளுங்கள்.உணவில் கார்போஹைதரேற்றின் அளவை குறைத்துக்கொள்ளுங்கள். பாண், பாஸ்தா, உடனடி நூடுல்ஸ் போன்றவற்றை சாப்பிடுவதை தவிர்க்கவும். இவை உங்கள் அடிவயிற்றில் கூடுதல் கொழுப்புச் சேர்வதற்குக் காரணமாகின்றது.

அன்றாடம் நாம் எடுத்துக்கொள்ளும் ஊட்டச்சத்துக்கள் பற்றி அதிகம் கவனம் செலுத்துங்கள். நாம் அன்றாடம் உட்கொள்ளும் ஊட்டச்சத்துக்களைப் பற்றி நம்மில் பலரும் யோசிப்பதில்லை. ஊட்டச் சத்துக்களைப் புறக்கணிக்கும் மனநிலையோடு நாம் இருந்தால் கொழுப்புக்கள் தேங்கி தொப்பை என்பது நம்மோடே குடிகொண்டுவிடும்.

நீங்கள் சாப்பிடுவதைப் பொறுத்த வரை அந்த உணவில் என்ன ஊட்டச்சத்தக்கள் உள்ளன என்பது பற்றி அவதானியுங்கள். இதை ஒரு பழக்கமாக உருவாக்குங்கள். ஆமாம், நீங்கள் வாங்கும் உணவுக்காக லேபிள்களை வாசிப்பதுவும் உங்கள் சொந்த உணவு அட்டவணையை திட்டமிட உதவும்.

பொரித்த உணவுகள், எண்ணெய் உணவுகளுக்கு குட்பாய் சொல்லிவிடுங்கள்.உண்மையில் இந்தப் பொரித்த வறுத்த உணவுகளின் மேல் உள்ள ஆசையைக் குறைப்பது என்பது அவ்வளவு இலகுவான ஒரு விடயம் அல்ல. ஆனால் உங்கள் உடலில் மேலும் கொழுப்புச் சேராமல் இருக்க வேண்டுமென்றால் இந்த எண்ணெய் உணவுகளைத் தவிர்த்துக் கொள்வதுதான் புத்திசாலித்தனம்.