டெஸ்டில் 400: லாராவின் சாதனையை இவர்கள்தான் முறியடிப்பர்!
மேற்கிந்தியத் தீவுகளின் முன்னாள் அதிரடித் துடுப்பாட்ட வீரரான லாரா, டெஸ்ட் கிரிக்கெட்டில் ஓர் இன்னிங்ஸில் 400 ஓட்டங்கள் என்ற சாதனையைப் படைத்த ஒரே வீரராக வலம் வருகிறார்.
இந்நிலையில், தனது அந்தச் சாதனையை தற்போதைய வீரர்களில் மூன்று பேரால் முறியடிக்கக்கூடிய வாய்ப்புள்ளது எனத் தெரிவித்துள்ளார்.
‘‘அவுஸ்திரேலியாவின் டேவிட் வோர்னர் போன்ற வீரர்களால் எனது சாதனையை முறியடிக்க முடியும். இந்தியாவின் விராட் கோலி முன்னதாகவே களமிறங்குவாரானால் அவர் அதை இலகுவாக எட்டிவிடுவார். அவர் அதிரடி வீரர் என்பதால் அது சாத்தியமாகும். அதேபோல, ரோகித் சர்மாவுக்கு அன்றைய நாள் அவருடையதாக அமைந்தால் நிச்சயம் அதைத் தகர்ப்பார்.
இவர்கள் மூவராலும்தான் எனது சாதனையை முறியடிக்கக்கூடிய வாய்ப்பு அதிகமாக உள்ளது’’ என்றார்.