F5 Shift நிறுவனம் விமானத்தின் உணவுக்கழிவுகளை கட்டுப்படுத்த புதிய யோசனை..!!
விமானத்தில் ஏற்படும் உணவுக் கழிவுகளைக் கட்டுப்படுத்த F5Shift என்னும் புதிய நிறுவனம் யோசனை ஒன்றை முன்வைத்துள்ளது.
பல்கலைக்கழகத்தில் மூன்றாம் ஆண்டு படிக்கும் 04 மாணவர்கள் அவர்களது கல்வி கற்கும் நிலைய பயிற்சியின் போது விமானத்தில் ஏற்படும் உணவுக் கழிவுகளை எப்படிக் கட்டுப்படுத்தலாம் என்று ஆராய்ச்சி ஒன்றை நடத்தியதில் புதிய வழிகளை கண்டறிந்தனர். மேலும் சுற்றுச்சூழல், பொருளியல் காரணங்களாலும் தேவையற்ற எடையாலும் விமானங்களில் உணவுக்கழிவு ஒரு பிரச்சினையாக இருக்கிறது.
மேலும் இது தொடர்பாக பயணிகள் உணவை வீணாக்கும் போது அல்லது உணவை வேண்டாம் என்று சொல்லும் போது உணவுகள் கழிவாக மாறுகிறது. இது போன்று செயலை தடுக்க மனிதவளங்களை கொண்டு தகவல்களைச் சேகரிப்பது மிகவும் கடினமாகும். அதனை மாணவர்கள் மிக எளிதாக செயற்கை நுண்ணறிவைக் கொண்டு தகவலைச் சேகரித்து பிரச்சினைக்குத் தீர்வு காணும் வகையில் யோசனை ஒன்றை வழங்கினார்கள். மாணவர்களின் யோசனைக்கு சிங்கப்பூர் ஏர்லைன்ஸூம், சிங்கப்பூர்த் தேசியப் பல்கலைக்கழகமும் இணைந்து அவற்றின் வழிகாட்டித் திட்டத்தின் கீழ் அங்கீகாரம் அளித்துள்ளது.
