இந்திய அணி தலைவர் விராட் கோஹ்லி போல்டாகி வெளியேறும் வீடியோவை வெளியிட்ட இங்கிலாந்து கிரிக்கெட் வாரியம்..!!

இங்கிலாந்து கிரிக்கெட் அணிக்கு எதிரான போட்டியில் கோஹ்லி போல்டாகி வெளியேறும் வீடியோவை அந்நாட்டு கிரிக்கெட் வாரியம் வெளியிட்டுள்ளது.

உலகில் தற்போது இருக்கும் தலை சிறந்த கிரிக்கெட் வீரர்களில் இந்திய கிரிக்கெட் அணி வீரர் விராட் கோஹ்லியும் ஒருவர். இந்நிலையில் இங்கிலாந்து கிரிக்கெட் வாரியம் தன்னுடைய டுவிட்டர் பக்கத்தில், கோஹ்லி நீங்கள் எதிர் கொண்ட பந்திலே சிறந்து பந்து இது தானா என்று கேள்வி கேட்டுள்ளது. குறித்த வீடியோவில் இங்கிலாந்தில் நடந்த போட்டி ஒன்றில் கோஹ்லி சிறப்பாக விளையாடிக் கொண்டிருக்கிறார். அப்போது சுழற்பந்து வீச்சாளரான ஆதில் ரஷீத் பந்து வீச்சில் எதிர்பார விதமாக போல்டாகி 71 ஓட்டங்களில் பவுலியன் திரும்புகிறார்.

குறித்த இன்னிங்சில் கோஹ்லி தனது 36-வது சதத்தை நோக்கிச் சென்று கொண்டிருந்தார். அப்போது ஆதில் ரஷீத் ஒரு பந்தை லெக் அண்ட் மிடில் பிட்ச் ஆக்கி திருப்பினார் கோஹ்லி தவறான லைனில் ஆடியதால் பந்தை கோட்டை விட்டு பவுல்டு ஆனார். குறித்த தொடரில் கோஹ்லி 3 முறை சுழற்பந்து வீச்சில் அவுட் ஆனார். இருமுறை ரஷீத்திடமும் 1 முறை மொயின் அலியிடமும் ஆட்டமிழந்தார், சுழற்பந்து வீச்சாளர்களிடம் ஆட்டமிழப்பது அப்போது கோஹ்லிக்கு வாடிக்கையாக இருந்தது நினைவுகூரத்தக்கது.

The best ball you've ever faced @imVkohli? pic.twitter.com/5eovbWEn2q

— England Cricket (@englandcricket) May 8, 2020