சவுதி அரேபியாவில் ரீமா ஜுஃபாலி முதல் பெண் கார் ரேஸ் ஓட்டுநராக அறிமுகம்…!!!

சவுதி அரேபியாவில் முதல் முதலில் பெண் கார் ரேஸ் ஓட்டுநராக ரீமா ஜுஃபாலி அறிமுகமாகியுள்ளார். சவுதி அரேபியாவில் பெண்களுக்கு அதிகமான நெருக்கடிகளும், கட்டுப்பாடுகளும் இருந்து வருகின்றன. முகம், உடல் தெரியாத இருக்கும் அளவுக்கு ஆடைகளை அணிதல், கார் ஓட்டத் தடை, விளையாட்டுப் போட்டிகளை நேரடியாகப் பார்க்க மற்றும் விளையாட தடை, சினிமா பார்க்கத் தடை போன்ற இன்னும் பல கட்டுப்பாடுகள் பெண்களுக்கு உள்ளன.

சவுதி அரேபியாவின் இளவரசர் மொஹமட் பின் சல்மான் ஆட்சிக்கு வந்தபின்னர் பல்வேறு புதிய சீர்திருத்தங்கள் திருத்தப்பட்டு வருகிறது. இவர் சமீபத்தில் பெண்கள் கார் ஓட்டுவதற்கும், ஓட்டுநர் உரிமம் பெற்றுக்கொள்ளவும் அனுமதி வழங்கியுள்ளார். பெண்கள் திரையரங்குகளில் சென்று சினிமா பார்க்கவும் அனுமதி கொடுக்கப்பட்டது.

மேலும் இந்த நிலையில் சவுதி அரேபியாவில் பெண் கார் ரேஸ் ஓட்டுநராக வரலாற்றில் இடம் பிடித்த 27 வயதுடைய ரீமா ஜுஃபாலி. இவர் சவுதியின் ஜெட்டா நகரில் சேர்ந்தவர். அமெரிக்காவில் கல்வி கற்று வந்தார். ’ஜாகுவார் ஐ பேஸ்’ கார் பந்தயத்தில் பங்கு பற்றி ரீமாவுக்கு சவுதி இளவரசர்கள் உட்பட பல்வேறு தரப்புகளிலிருந்து வாழ்த்துகள் பெற்றுக்கொண்டார்.