டெஸ்ட் கிரிக்கெட் வரலாற்றில் 150 போட்டிகளில் விளையாடிய ஒரே வேகப்பந்து வீச்சாளர் என்ற பெருமையை பெற்ற ஜேம்ஸ் ஆண்டர்சன்..!!
இங்கிலாந்து அணி வீரர் ஜேம்ஸ் ஆண்டர்சன் என்பவர் டெஸ்ட் கிரிக்கெட் வரலாற்றில் 150 போட்டிகளில் விளையாடிய ஒரே வேகப்பந்து வீச்சாளர் என்ற பெருமையை பெற்றுள்ளார்.
இன்றைய தினம் செஞ்சூரியனில் தென்ஆப்பிரிக்கா மற்றும் இங்கிலாந்து அணிகளுக்கு இடையிலான முதல் டெஸ்ட் போட்டி ஆரம்பமாகியுள்ளது. அதில் இங்கிலாந்து அணியில் வேகப்பந்து வீச்சாளர் ஜேம்ஸ் ஆண்டர்சன் இடம் பிடித்திருந்தார்.
இது அவருக்கு 150-வது டெஸ்ட் போட்டியாகும். இதன் மூலம் டெஸ்ட் கிரிக்கெட் வரலாற்றிலேயே 150 டெஸ்ட் போட்களில் விளையாடிய ஒரே வேகப்பந்து வீச்சாளர் என்ற பெருமையை பெற்றுள்ளார். இவர் 149 போட்டிகளில் 575 விக்கெட்டுக்கள் வீழ்த்தியுள்ளார். கடந்த 2003 ஆம் ஆண்டு ஜிம்பாப்வே அணிக்கு எதிராக லார்ட்ஸ் மைதானத்தில் இடம்பெற்ற போட்டியில் ஜேம்ஸ் அறிமுகமானார்.
சமீபத்தில் ஆஷஸ் தொடரின் போது காயத்தால் வெளியேறினார். அதன் பின்னர் தற்போது அணிக்கு திரும்பியுள்ளார். அதற்கு அடுத்த இடத்தில் அவுஸ்திரேலியாவின் மெக்ராத் (563 விக்கெட்கள்) 124 போட்டிகளிலும், வெஸ்ட் இண்டீஸின் வால்ஷ் (519 விக்கெட்கள்) 132 போட்டிகளிலும் விளையாடி உள்ளனர்.
