11,600 வருடங்களுக்கு ஒரு முறை நிகழும் வான்வெளி! அதிசய நிகழ்வான பச்சை வால் நட்சத்திரத்தை இம்மாத இறுதியில் காணலாம்..!!

11,600 வருடங்களுக்கு ஒரு முறை வானில் ஏற்படக்கூடிய அதிசய நிகழ்வான பச்சை வால் நட்சத்திரத்தை வெறும் கண்களால் காணலாம் என்று நாசா தெரிவித்துள்ளது. ஸ்வான் என்று அழைக்கப்படும் இந்த பச்சை நிற வால் நட்சத்திரம் அண்மையில் பூமிக்கு அருகில் கடந்து செல்கிறது. அதன் வால் மட்டும் ஒரு கோடியே 77 இலட்சம் கிலோமீற்றர் நீளம் கொண்டது என விஞ்ஞானிகள் தெரிவிக்கின்றனர்.

பனி மற்றும் தூசுக்களால் ஆன வால் நட்சத்திரம் தெற்கில் இருந்து வடக்காகச் செல்வதாகவும், தற்போது பூமியிலிருந்து 5.3 கோடி மைல்களுக்கு அப்பால் இருக்கும் இந்த நட்சத்திரம் மே மாத இறுதி வாரத்தில் கண்களுக்கு தெரியும் என வானியல் நிபுணர்கள் தெரிவித்துள்ளனர். சூரியனை நோக்கிய வழியில் செல்லும் போது வெப்பமடைந்து அது சூரிய ஒளியை பிரதிபலிக்கிறது என்று கூறும் ஆய்வாளர்கள் இதை 5 முதல் 6 நாட்கள் வரை வெறும் கண்களாலேயே கண்டு மகிழலாம் என்று தெரிவித்துள்ளனர்.