அசுர வேகத்தில் ஓடி ரஷ்யாவை பின்தள்ளி 2 ஆம் இடத்தை பிடித்த பிரேசில்..!!

உலகம் முழுவதும் கோர தாண்டவமாடும் கொடிய கொரோனா வைரஸ் தொற்று நோயால் அதிகம் பாதிக்கப்பட்ட நாடுகளின் பட்டியலில் ரஷ்யாவை பின்தள்ளி பிரேசில் 2ம் இடத்தை பிடித்துள்ளது.

உலக அளவில் கொரோனாவைரஸ் தொற்றால் அதிகம் பாதிக்கப்பட்ட நாடுகள் பட்டியலில் அமெரிக்கா முதலிடத்திலும், ரஷ்யா 2ம் இடத்திலும், பிரேசில் 3ம் இடத்திலும் நேற்று இருந்தன. இந்நிலையில் பிரேசிலில் கொரோனா வைரஸ் தொற்றால் பாதிக்கப்பட்டவர்களின் எண்ணிக்கை 3 லட்சத்து 30 ஆயிரத்தையும், உயிரிழந்தவர்களின் எண்ணிக்கை 21 ஆயிரத்தையும் தாண்டியது.

அதேநேரத்தில் ரஷ்யாவில் கொரோனா வைரஸ் தொற்றால் பாதிக்கப்பட்டவர்களின் எண்ணிக்கை 3 லட்சத்து 25 ஆயிரத்தையும், உயிரிழந்தவர்களின் எண்ணிக்கை 3 ஆயிரத்து இருநூறையும் தாண்டியிருந்தது. இதனால் பிரேசில் நாடு, ரஷ்யாவை பின்தள்ளி, உலக அளவில் கொரோனா அதிகம் பாதித்த நாடுகளின் பட்டியலில் 2ம் இடத்துக்கு வந்துள்ளது.