கொரோனா வைரஸால் பொருளாதார வீழ்ச்சியை சமாளிக்க அவசரகால பட்ஜெட் தாக்கல்!
உயிரைக் குடிக்கும் கொரோனா வைரஸால் ஏற்பட்டுள்ள பொருளாதார வீழ்ச்சியை சமாளிக்க, சுமார் 22,57,200 கோடி ரூபாய் மதிப்பிலான அவசரகால பட்ஜெட்டுக்கு ஜப்பான் நாடாளுமன்றம் ஒப்புதல் வழங்கியுள்ளது. ஜப்பானில் கொடிய கொரோனா வைரஸ் பெரிய அளவிலான பாதிப்பு ஏற்படாத நிலையிலும், மக்களின் வாங்கும் திறன் குறைந்துள்ளது. இது 2015 ஆம் ஆண்டுக்கு பின்னர் உருவாகும் முதலாவது பொருளாதார சரிவை காட்டுவதாக ஜப்பான் அரசாங்கம் தெரிவித்துள்ளது.
அதையடுத்து அறிவிக்கப்பட்டுள்ள அவசர கால பட்ஜெட்டுக்கு நாடாளுமன்றத்தின் கீழ்வை ஒப்புதல் வழங்கியுள்ள நிலையில், அது மேலவையிலும் இந்த வாரம் நிறைவேற்றப்படும் என எதிர்பார்க்கப்படுகிறது. இந்த பட்ஜெட்டில் தொழிற்துறைகள், சிறு தொழில்களுக்கான உதவி, மானியம், மருத்துவ பணியாளர்களுக்கான பண உதவி உள்ளிட்ட பல திட்டங்கள் இடம் பெற்றுள்ளன.