நியூயார்க் நகரிலிருந்து லண்டன் நோக்கி சென்று கொண்டிருந்த விமானம் நடுவானில் பயணியின் இருக்கையில் தீ ஏற்பட்டுள்ளது..!!
விர்ஜின் அட்லான்டிக் (Virgin Atlantic) நிறுவனத்திற்கு சொந்தமான விமானம் அமெரிக்காவின் நியூயார்க் நகரிலிருந்து லண்டன் சென்று கொண்டிருந்த போது நடுவானில் பயணிகளின் இருக்கையில் தீப்பிடித்ததைத் தொடர்ந்து விமானம் போஸ்டன் (Boston) விமான நிலையத்தில் அவசரமாகத் தரையிறக்கப்பட்டது.
இந்த விமானத்தில் இரண்டு இருக்கைகளுக்கு நடுவில் கைத்தொலைபேசிக்கான மின்கலன்கள் கண்டுபிடிக்கப்பட்டதாகவும் அது தீயை ஏற்படுத்தியிருக்கலாம் என்றும் அதிகாரிகள் தெரிவித்துள்ளனர். விமானத்தில் ஏற்பட்ட தீயை விமானச் சிப்பந்திகள் அணைத்தனர்கள்.
இந்த சம்பவத்தின் போது விமானத்தில் 217 பயணிகள் இருந்ததாகவும் அவர்கள் பாதுகாப்பாக வெளியேற்றப்பட்டதாகவும் அதிகாரிகள் தெரிவித்தனர். மேலும் இந்த சம்பவத்திற்காக விர்ஜின் அட்லான்டிக் நிறுவனம் பயணிகளிடம் மன்னிப்புக் கேட்டு . அவர்களுக்கு மாற்றுப் பயண ஏற்பாடும் செய்து கொடுக்கப்பட்டது.
