தலையில் ஒரு நரை முடி பிடுங்கினால் நரைமுடிகள் அதிகமாகும் என்பது உண்மையா.!? இது போல் விடைதெரியாத உங்கள் கேள்விகளுக்கு பதில்கள் இதோ…!!
இணையம் என்பது சுருங்கியதால் அது கைகளுக்குள் சிறு போன் வடிவில் உலக விசயங்களை நொடிக்கு நொடி தந்துகொண்டே இருக்கிறது. இணையத்தில் நாம் பார்க்கும் பகிரும் விசயங்களில் எத்தனை உண்மையானவை என்பது கேள்விக்குறியே.. இணையத்திலும் சமூக ஊடகங்களிலும் பகிரப்படும் விடயங்களில் முன்னணியில் இருப்பது பெண்களுக்கான அழகுக் குறிப்புக்கள் என்று ஒரு ஆய்வு தெரிவிக்கின்றது.தற்போதைய பரபரப்பு யுகத்தில் அற்பமான விஷயங்கள் கூட பெரிதுபடுத்தப்பட்டு அழகுக்குறிப்புகள் பட்டியலில் இடம் பெற்றுள்ளன.
ஒரு நரை முடியைப் பிடுங்கினால் அதிகம் நரை விழும்! எனவே எந்தெந்த விஷயங்களில் தவறான கருத்துகள் நீடித்து வருகின்றன என்பதை பார்ப்போம். நீங்கள் கூட ஆரம்பத்தில் அந்த விஷயங்களை உண்மை என்றே நம்பியிருக்கக்கூடும்!.இது ஒரு தவறான கருத்து என்று சொல்லப்படுகின்றது.
ஒரே ஒரு நரை முடி தனித்து இருப்பதை பிடுங்கக்கூடாது என்பதும், பிடுங்கினால் பல புதிய நரைகள் தோன்றும் என்பதும் அறிவியல்பூர்வமாக ஒரு தவறான கருத்தாகும். நமது தலையின் சரும பகுதியில் குறிப்பிடத்தக்க எண்ணிக்கையில் தான் ஃபோலிக்கிள் எனப்படும் ரோம வேர்கள் உள்ளன. நீங்கள் நரை முடியை பிடுங்குவதால் புதிய நரை தோன்றப் போவதில்லை.
எது எப்படி இருப்பினும், வயதால் அல்லது பரம்பரையால் முடியானது தானாக நரைக்கவே செய்யும்.”ரேசர் மூலம் முடியை நீக்கினால் அது தடிமனாக முளைக்கும்”ஒரு முடியின் தடிமன் என்பது தோலுக்கு அடியில் உள்ள ஃபோலிக்கிள் முனையிலேயே தீர்மானிக்கப்படுகிறது.
ரேசர் அந்த ஆழம் வரை செல்ல முடியாது என்பதால் முடியின் தடிமனில் மாற்றம் நிகழ்வதில்லை. இருப்பினும் ஷேவிங்கின் போது முடி சாய்வாக வெட்டப்படுவதால், ஷேவ் செய்து சில நாட்கள் கழித்து காணப்படும் புதிய முடி தடிமனாக இருப்பது போல் காட்சியளிக்கிறது. இது ஒரு மாயை அன்றி வேறில்லை.
“எண்ணெய் பசை சருமத்திற்கு மாய்ச்சுரைசர் தேவையில்லை”பொதுவாக எண்ணெய்ச் சுரப்பிகளானது சருமம் மற்றும் ரோமங்களை மிருதுவாகவும், ஆரோக்கியமாகவும் வைக்க உதவுகின்றன. ஆனாலும் சில சமயம் இந்த எண்ணெய் சுரப்பிகள் சருமத் துவாரங்களில் அடைத்து கொண்டு விடலாம்.
இந்த அடைப்புகளை மாய்ச்சுரைசர் மூலம் தான் நீக்க முடியும். மேலும் தற்போது இதற்கென எண்ணெய் இல்லாத மாய்ச்சுரைசர் வகைகள் கிடைக்கின்றன.”டூ இன் ஒன் ஷாம்பு – கண்டிஷனர் தயாரிப்புகள்”ஷாம்புவின் வேலை வேறு, கண்டிஷனரின் வேலை வேறு. முதலாவது முடியை கழுவப் பயன்படுவது, இரண்டாவது முடியை மென்மையாக்க பயன்படுவது.
இவை இரண்டையுமே ஒரே திரவமாக தர முடியாது. எனவே டூ இன் ஒன் ஷாம்பு – கண்டிஷனர் தயாரிப்புகள் அனைத்துமே மார்க்கெட்டிங் உத்திகள் தான் என்று கூறலாம். மேலும் ஷாம்பு மற்றும் கண்டிஷனரை தனித்தனியாக பயன்படுத்துவது மட்டுமே உரிய பலனை கொடுக்கும்.