லாக் டவுணில் வீட்டில் இருந்த படியே ஏராளமாக பணம் சம்பாதிக்கலாம், அதே நேரம் ஆரோக்கியமாகவும் இருக்கலாம்.! இதோ பணம் சம்பாதிக்க அருமையான வழிகள்.!!

லாக் டவுணில் வீட்டில் இருந்த படி அடுத்து என்ன செய்வது என யோசிக்கும் உங்களுக்காக ஆரோக்கியமான அதே நேரம் மிக முக்கியமான சில விடயங்களை தினமும் பகிர்ந்துகொள்ளப் போகிறோம். இதன் மூலம் பணமும் சம்பாதிக்க முடியும் அதே நேரம் ஆரோக்கியமாகவும் வாழ முடியும். இன்று நாம் பார்க்கப் போவது பாலக்கீரை வீட்டில் உற்பத்தி செய்யும் முறை தான்.

இந்த கீரையில் மெக்னீசியம், காப்பர், வைட்டமின் கே, போன்றவை இருப்பதால் எலும்புகள் உறுதியாக இருக்க உதவுகிறது. இந்த கீரையில் இரும்புச் சத்து, பீட்டா கரோட்டின், போலிக் அமிலம், கல்சியம் போன்றவை அதிகம் அடங்கியுள்ளது, இதனால் கர்ப்பிணி பெண்கள், பாலூட்டும் தாய்மார்கள், அதிகம் சாப்பிடலாம், அதே போல் இது இரத்த சிவப்பு அணுக்களை அதிகம் உற்பத்தி செய்கிறது, இதனால் அனிமீயா நோய் போன்றவை வராமல் தடுக்கிறது.

சரி இப்போது இந்த கீரையை உற்பத்தி செய்யும் முறையை பார்க்கலாம். பலாக்கீரை மட்டும் இன்றி பசலைக்கீரை, புளிச்சைகீரை போன்றவற்றையும் இதே முறையில் வளர்க்கலாம். வெளியில் போக முடியுமான நேரத்தில் இந்த விதைகளை கடையில் வாங்கி வந்து விடுங்கள். பூந்தொட்டி வீட்டில் இருக்கும், இல்லாவிட்டாப் வீட்டில் இருக்கும் தேவையற்ற பிளாஸ்டிக் பேசன் (தொட்டி) ஒன்றை எடுத்துக் கொள்ளுங்கள். அதில் மண்ணை நிரப்பிக் கொள்ளுங்கள், தொட்டி அகலம் அதிகமாக இருக்க வேண்டும், ஆழம் குறைவாக இருக்க வேண்டும்.

அடியில் சிறு ஓட்டைகளை போட்டுக் கொள்ளுங்கள். இந்த விதைகளை சிறிதளவு மணலில் கலந்து கொள்ளுங்கள் இதனை தொட்டியில் பரவலாக தெளியுங்கள், பெரிய விதைகளாக இல்லை என்பதால் ஓரளவு இடம் விட்டு தெளித்து விடுங்கள். அடுத்து இதனை பாதுகாப்பது மிக கடினமானது, காரணம் இதன் விதைகள் எறும்புகள் தூக்கிச் சென்று விடும். முதல் இரண்டு நாட்கள் சற்று கவனமாக பார்த்துக் கொள்ளுங்கள், ஒவ்வொரு நாளும் பூவாளியில் தண்ணீர் தெளிக்க வேண்டும், இரண்டு நேரம் தெளித்தால் போதுமானது.

100% Free Tamil FM App with all Tamil radio station in HD quality
Industry Leading 3D , 8D Sound Radios,
Local Tamil Fm Radios
Podcast , South Indian Language Radios ,
ஆம் 400 இற்கும் மேற்பட்ட தமிழ் வானொலிகள் அனைத்தும் ஒரே செயலியில்,
இப்போதே கேட்டு மகிழ்ந்திட
Android செயலியை டவுண்ட்லோட் செய்திட இங்கே க்ளிக் செய்யுங்கள்

IOS செயலியை டவுண்ட்லோட் செய்திட இங்கே க்ளிக் செய்யுங்கள

மூன்று நாட்களில் விதை முளைத்துவிடும். இதன் அருகில் சிறு களைகள் வளரும் அவற்றை சற்று பார்த்துக் கொள்ளுங்கள், புற்கள் வளரும் போது கீரையின் வளர்ச்சி குறைந்து விடும், இதில் சில நேரங்களில் பூச்சித் தொல்லைகள் ஏற்படலாம், அதற்கு நொச்சி இலைகளின் சாறை தெளிக்கலாம், பெரிதாக பூச்சிகள் பாதிக்காது அதனால் பசலைகள் தேவையற்றது, முடிந்தால் இயற்கை உரங்களை பயன் படுத்துங்கள், இலையில் பூச்சிகள் இருந்தால் அடுப்பு சாம்பளை சூடு இல்லாமல் போடலாம்.

பிரண்டை சாறு கூட தெளிக்கலாம். இது வெறும் 30 நாட்களில் அறுவடை செய்யலாம். முழு செடியையும் கழட்டி விடாதீர்கள், நீங்கள் இந்த கீரைகளை 6 இருந்து 8 முறை அறுவடை செய்யலாம், இதன் இலைகளை மட்டும் வெளிபக்கத்தில் இருந்து வெட்டி எடுங்கள். அதிகம் செய்தால் விற்பனை செய்யலாம், மாடி தோட்டத்தில் செய்தால் உறவினர்களுடன் பகிர்ந்து ஆரோக்கியமாக இருக்கலாம். இனி வரும் நாட்களில் மரக்கறிகள் பற்றியும் பகிர்கிறோம்.!!