இலங்கை நட்சத்திரங்களுக்கான Cricinfo விருதுகளை வென்ற லசித் மலிங்கா மற்றும் குசல் பெரேரா.!
2019 ஆம் ஆண்டுக்கான Cricinfo விருதுகளின் சிறந்த டெஸ்ட் மட்டையாளருக்கான விருதினை இலங்கை அணியின் குசல் பெரேரா பெற்றுள்ளார். கடந்த 2019 ஆம் ஆண்டு பெப்ரவரி மாதம் டர்பன் மைதானத்தில் தென்ஆப்பிரிக்கா அணிக்கு எதிராக இடம்பெற்ற முதல் டெஸ்ட் போட்டியில், 52 ரன்களுக்கு 3 விக்கெட்டுகளை இழந்து என்ன செய்வது என்று அறியாமல் இலங்கை அணி திணறி கொண்டிருந்தது.
அப்போது தனி ஒரு ஆளாக இறுதிவரை நின்று குசல் பெரேரா 153 ரன்கள் குவித்து அணியை வெற்றி பாதைக்கு அழைத்துச்சென்றார். இது 2019 ஆம் ஆண்டு மட்டும் இன்றி எல்லா காலத்திலும் மிகப் பெரிய ஒன்றாக Cricinfo தெரிவித்துள்ளது. அதேபோல நியூசிலாந்து அணிக்கு எதிரான டி20 போட்டியில் 5 விக்கெட்டுகளை கைப்பற்றியதன் மூலம், 2019 ஆம் ஆண்டிற்கான சிறந்த பந்து வீச்சாளராக லசித் மலி தேர்வு செய்யப்பட்டுள்ளார்.
கடந்த 2019ஆம் ஆண்டு செப்டம்பர் மாதம் நியூசிலாந்து அணிக்கு எதிராக இடம்பெற்ற 3வது டி20 போட்டியில், முதலில் பேட்டிங் செய்த இலங்கை அணி 126 ரன்களை மட்டுமே குவிந்திருந்தது. இதனால் நியூசிலாந்து அணி எளிதில் வெற்றி அடைந்து விடலாம் என அனைவரும் ஆவலுடன் காத்திருந்த வேளையில், சிறப்பாக பந்து வீசிய லசித் மலிங்கா 4 ஓவர்களில் வெறும் 6 ரன்களை மட்டுமே கொடுத்து 5 விக்கெட்டுகளை கைப்பற்றி மைதானத்தை மிரளவைத்தார். இதனால் நியூசிலாந்து அணி 88 ரன்களுக்கே அனைத்து விக்கெட்டுகளையும் பறிகொடுத்தது தோல்வியடைந்தது என்பது குறிப்பிடத்தக்கது.
Cricinfo Awards 2019 ???
? Test batting performance of the year: Kusal Perera 153*. One of the greatest of all time, not just 2019
? T20I bowling performance of the year: Lasith Malinga 5 for 6. Twelve years after he pulled off the impossible, Malinga did it again
— Azzam Ameen (@AzzamAmeen) February 10, 2020