அமெரிக்காவில் கொரோனா வைரஸால் பாதிக்கப்பட்டு உயிருக்கு போராடும் 12 வயது சிறுமி..!! அலறி துடிக்கும் பெற்றோர்!
சீனாவின் ஹவுன் நகரில் பரவ தொடங்கிய கொரோனா வைரஸ் தற்போது உலகம் முழுவதும் பரவி வருகிறது. இந்நிலையில் அமெரிக்காவிலும் கொரோனா தனது ஆதிக்கத்தை செலுத்தியுள்ளது. அந்த வகையில் அமெரிக்காவில் 12 வயதுடைய எம்மா என்ற சிறுமி ஒருவர் கொரோனா வைரசினால் பாதிக்கப்பட்டு உயிருக்காக போராடி வருகின்றார் என தெரிவித்துள்ள குடும்பத்தினர் இது இளவயதினருக்காக ஒரு எச்சரிக்கை என்றும் கூறியுள்ளனர்.
அமெரிக்காவில் அட்லாண்டா ஸ்கொட்டிஸ் ரைட் மருத்துவமனையில் குறித்த சிறுமி அனுமதிக்கப்பட்டுள்ள நிலையில் அவர் தற்போது செயற்கை சுவாச கருவியின் உதவியுடன் சுவாசிக்கின்றார் என குடும்பத்தவர்கள் தெரிவித்துள்ளனர். சிறுமிக்கு வேறு நோய்ப்பாதிப்புகள் இல்லை என தெரிவித்துள்ள குடும்பத்தினர் சிறுமி சமீபத்தில் எங்கும் செல்லவில்லை என கூறினார்கள். சிறுமியின் நுரையீரல் மோசமாக பாதிக்கப்பட்டுள்ளதால் செயற்கை சுவாசம் அவசியமாகவுள்ளது என குடும்பத்தினர் தெரிவித்துள்ளனர்.
சிறுமியின் உறவினர் ஒருவர் கொரோன வைரஸ் குறித்து அக்கறையின்றியிருக்கும் இளவயதினரிற்கு ஒரு எச்சரிக்கை என தெரிவித்துள்ளார். இங்கு 12 வயது சிறுமி உயிருக்காக போராடுகின்றாள்,மக்கள் சுயதனிமைப்படுத்தலை கடைப்பிடிக்க வேண்டும், தங்கள் பிள்ளைகள் குறித்து அவதானமாகயிருக்க வேண்டும் என அவர் தெரிவித்துள்ளார். சிறுமியின் குடும்பத்தவர்களும் தனிமைப்படுத்தப்பட்டுள்ளதாக மருத்துவர்கள் தெரிவித்துள்ளனர். அமெரிக்காவில் கொரோனா வைரசினால் பாதிக்கப்பட்டவர்களில் அவரே குறைந்த வயதை உடையவர் என மருத்துவர்கள் தெரிவித்துள்ளனர். சிறுவர்கள் மற்றும் இளவயதினருக்கு பாதிப்பு குறைவு என பரவலான கருத்து உள்ளபோதிலும் அமெரிக்காவில் கொரோனா வைரஸால் பாதிக்கப்பட்டவர்களில் 20 வீதமானவர்கள் இளவயதினர் என மருத்துவர்கள் தெரிவித்துள்ளனர்.