11 அமெரிக்க ஜனாதிபதியிடம் பணிபுரிந்த வெள்ளை மாளிகை முன்னாள் ஊழியர் கொரோனாவால் பலி..!!

11அமெரிக்க ஜனாதிபதியிடம் பணியாற்றி வெள்ளை மாளிகை முன்னாள் ஊழியர் கொரோனா வைரஸ் தொற்றால் பலியாகியுள்ளதாக அமெரிக்க ஊடகங்கள் தெரிவிக்கின்றன. 91 வயதுடைய வில்சன் ரூஸ்வெல்ட் ஜெர்மன் (Wilson Roosevelt Jerman) என்பவர் 1957 ஆம் ஆண்டு முதல் 2012 ஆம்’ஆண்டு வரை நீண்ட காலம் பணிபுரிந்து வெள்ளை மாளிகை ஊழியர் ஆவார்.

ஐசனோவரின் காலத்தில் வெள்ளை மாளிகை பணியில் கிளீனராக சேர்ந்த அவர், அதிபர் ஜான் எஃப் கென்னடியின் காலத்தில் அவரது மனைவி ஜாக்குலின் அன்பை பெற்று பட்லராக பதவி உயர்வு பெற்றுள்ளார். 1997 ஆம் ஆண்டு ஓய்வு பெற்றாலும், அதிபர் ஜார்ஜ் புஷ் மற்றும் லாரா புஷ்-ன் அழைப்பை ஏற்று 2003 ல் மீண்டும் பணியில் சேர்ந்தார். தினமும் காலை தாங்கள் பார்க்கும் முதல் மனிதரும் இரவில் காணும் கடைசி மனிதரும் அவரே என்ற புஷ் தம்பதிகளின் பாராட்டை பெற்றவர் மறைந்து விட்டார்.